काठमाडौँ। धितोपत्र बजारमा शेयर कारोबार मापक नेप्से परिसूचक बुधबार पनि दोहोरो अङ्कले घटेको छ। नेपाल स्टक एक्सचेञ्जका अनुसार नेप्से २३.३६ अङ्कले घटेर एक हजार ४३१.५२ मा रोकिएको छ। यस्तै सेन्सेटिभ परिसूचक ५.१८ अङ्कले घटेर ३००.४९ मा झरेको छ।

स्टकका अनुसार बुधबार कूल १८७ कम्पनीका ३८ लाख ३९ हजार ६७१ कित्ता शेयर एक अर्ब ६८ करोड ७० लाख ९३ हजार ९१ रूपैयाँमा खरिद बिक्री भयो। बुधबार कारोवार भएका कूल १२ वटै उपसमूहको शेयर ओरालो लागेको छ।

बैंकिङ २१्.७६, व्यापार ११.२४, होटल ५९.५, विकास बैंक २१.५५, जलविद्युत् २.२४, वित्त ६.४२, निर्जीवन बीमा १५९.८७, उत्पादन ४९.७, अन्य १.८८, जीवन बीमा १९०.८२ र सामूहिक लगानी कोष ०.१६ अङ्कले घटेको छ।

कारोवार रकमका आधारमा नेपाल पुनःबीमा कम्पनी शीर्ष स्थानमा रह्यो। सो कम्पनीको शेयर १५ करोड ७१ लाख १०५ रूपैयाँमा खरिद बिक्री भयो। यस्तै नेपाल लाइफ इन्स्योरेन्सको १० करोड ८१ लाख ३३ हजार ५००, एनआइसी एशिया बैंकको आठ करोड ८८ लाख २४ हजार १४२, नेपाल दूरसञ्चार कम्पनीको आठ करोड ८७ लाख ५२ हजार २१३, एनएमबी बैंकको पाँच करोड ६५ लाख १८ हजार ६९२ र हिमालयन डिष्टिलरी लिमिटेडको चार करोड ७५ लाख २३ हजार ८८३ रूपैयाँ बराबरको शेयर कारोबार भई अग्रस्थानमा रह्यो।

बुधबार सबैभन्दा बढी जोशी हाइड्रोपावर र युनियन हाइड्रोपावर लिमिटेडका शेयर धनीले समान १०.१० प्रतिशतले कमाए। यस्तै मिर्मिरे माइक्रोफाइनान्स डेभलपमेन्ट बैंक ९.९५, आरम्भ चौतारी लघुवित्त वित्तीय संस्था ९.८० र घलेम्दी हाइड्रो लिमिटेडका लगानीकर्ताले ९.४३ प्रतिशतले कमाएका छन्।

जनउत्थान सामुदायिक लघुवित्त वित्तीय विकास बैंकका लगानीकर्ताले सबैभन्दा बढी ९.४५ प्रतिशतले गुमाएका छन्। यस्तै ग्लोबल आइएमइए लुघवित्त वित्तीय संस्था ७.४०, मिथिला लघुवित्त वित्तीय संस्था ७.२२, स्पर्श लघुवित्त वित्तीय संस्था ६.९८ र नेपाल सेवा लघुवित्त वित्तीय संस्थाका शेयरधनीले ६.८१ प्रतिशतले गुमाएका छन्।